جی 20 ممالک نے غریب ممالک کو قرضوں کی ادائیگی مزید 6 ماہ کی مہلت دے دی

• جمعرات 15 / اکتوبر / 2020
• 6740

جی 20 ممالک نے کورونا وائرس کے باعث غریب ممالک کی مدد کے لیے قرضوں کی ادائیگی میں  مزید 6 ماہ کی ریلیف دینے کا فیصلہ کیا ہے۔

مئی 2020 میں منظور ہونے والے قرض سروسز کے معطل اقدام  دسمبر 2020 تک چلنا تھا۔ پاکستان کو بھی اسی کے پروگرام کے تحت رعایت ملی تھی دسمبر تک ا ایک ارب 80 کروڑ ڈالر کی بیرونی قرض کی ادائیگی کو ری شیڈول کیا گیا تھا۔

نئے اعلان کے تحت دسمبر سے جون 2021 تک دوطرفہ قرض دہندگان کو قرض کی تمام خدمات کی ادائیگی دوبارہ شیڈول کی جائے گی۔ جی 20 وزرائے خزانہ اور سینٹرل بینک کے گورنرز کے اجلاس کے بعد جاری اعلامیے میں کہا گیا ہے کہ مستقل لیکویڈٹی دباؤ کی روشنی میں قرضوں کے خطرات کو بتدریج حل کرتے ہوئے  6 ماہ کے لیے ڈی ایس ایس آئی میں توسیع کرنے کا فیصلہ ہؤا ہے۔

گروپ کا کہنا تھا کہ انہیں معلوم ہے کہ یہ اقدام ان ممالک میں وبائی مرض سے متعلق زیادہ سے زیادہ اخراجات میں نمایاں طور پر سہولت فراہم کر رہا ہے جنہوں نے اس سے فائدہ اٹھایا ہے۔ خیال رہے کہ مئی میں اس اقدام کے متعارف کروائے جانے سے اب تک 70 سے زائد ممالک نے اس میں حصہ لیا۔

عالمی بینک کی ویب سائٹ کے ڈی ایس ایس آئی پیج پر موجود ڈیٹا کے مطابق پاکستان نے اس اقدام کے تحت قرض کی ادائیگیوں میں اندازاً 2 ارب 70 کروڑ 6 لاکھ ڈالر کی بچت کی۔ یہ ڈیٹا 6 اکتوبر 2020 تک اپ ڈیٹ تھا اور یہ مئی سے دسمبر 2020 کے لیے ماہانہ تخمینوں اور 2018 آخر تک قرض کے بقایاجات اور تقسیم پر مبنی تھا۔