افتخار بھٹہ کی نئی کتاب
- تحریر مظہر چوہدری
- سوموار 05 / اپریل / 2021
- 8600
معروف ﺗﺮﻗﯽ ﭘﺴﻨﺪ ﻟﮑﮭﺎﺭﯼ ﺍﻭﺭ ﻋﻮﺍﻣﯽ ﺩﺍﻧﺶ ﻭﺭ افتخار بھٹہ ﺻﺎﺣﺐ ﮐﯽ ﮐﺘﺎﺏ " ﻣﯿﺮﮮ ﻓﮑﺮﯼ ﺳﻔﺮ ﮐﮯ ﭘﭽﺎﺱ ﺳﺎﻝ " ﺳﺌﻨﯿﺮ ﮐﺎﻟﻢ ﻧﮕﺎﺭ ﺩﻭﺳﺖ ﻧﺎﺻﻒ ﺍﻋﻮﺍﻥ ﮐﯽ ﻭﺳﺎﻃﺖ ﺳﮯ ﺍﯾﮏ ﮨﻔﺘﮧ ﻗﺒﻞ ﻣﻮﺻﻮﻝ ﮨﻮﺋﯽ۔ ﺳﺎﺑﻘﮧ ﺑﯿﻨﮑﺎﺭ، ﻣﺎﮨﺮ ﻣﻌﺎﺷﯿﺎﺕ ﺍﻭﺭ ﺍﺩﯾﺐ ﻭ ﮐﺎﻟﻢ ﻧﮕﺎﺭ ﮨﻮﻧﮯ ﮐﮯ علاوہ ﺳﻤﺎﺟﯽ ﺍﻭﺭ ﺳﯿﺎﺳﯽ ﻣﯿﺪﺍﻧﻮﮞ ﻣﯿﮟ ﺑﮭﭩﮧ ﺻﺎﺣﺐ ﮐﯽ ﮐﯽ ﮐﺜﯿﺮ ﺭﺧﯽ ﺳﺮﮔﺮﻣﯿﻮﮞ ﮐﻮ ﺩﯾﮑﮭﺘﮯ ﮨﻮﺋﮯ ﺍﻧﮩﯿﮟ ﺑﻼ ﺷﺒﮧ ﺍﯾﮏ ﮐﺜﯿﺮ ﺟﮩﺘﯽ ﺷﺨﺼﯿﺖ ﮐﮩﺎ ﺟﺎ ﺳﮑﺘﺎ ﮨﮯ۔
ﺑﮭﭩﮧ ﺻﺎﺣﺐ ﮐﯽ ﻋﻈﻤﺖ ﯾﮧ ﮨﮯ ﮐﮧ ﺍﻧﮩﻮﮞ ﻧﮯ ﮨﺮ ﻣﺤﺎﺯ ﭘﺮ ﻋﻮﺍﻡ ﮐﮯ ﺣﻘﻮﻕ ﮐﮯ ﺗﺤﻔﻆ ﮐﮯ ﻟﯿﮯ ﺟﺪﻭﺟﮩﺪ ﮐﯽ۔ ﯾﻮﮞ ﺗﻮ ﺑﮭﭩﮧ ﺻﺎﺣﺐ ﻧﮯ ﻣﻠﮑﯽ ﻭ ﻋﺎﻟﻤﯽ ﺳﯿﺎﺳﺖ، ﺟﻤﮩﻮﺭﯾﺖ، ﺍﻧﺴﺎﻧﯿﺖ، ﺗﺮﻗﯽ ﭘﺴﻨﺪﯼ ﺳﻤﯿﺖ ﻣﺘﻌﺪﺩ ﻣﻮﺿﻮﻋﺎﺕ ﭘﺮ ﺗﺴﻠﺴﻞ ﺳﮯ ﺑﮩﺖ ﻋﻤﺪﮦ ﻟﮑﮭﺎ ﮨﮯ ﻟﯿﮑﻦ ﺍﻥ ﮐﯽ ﺗﺤﺮﯾﺮﻭﮞ ﮐﺎ ﺍﺻﻞ ﻓﻮﮐﺲ ﺍﻧﺴﺎﻥ، ﺳﻤﺎﺝ ﺍﻭﺭ ﻣﻌﺎﺵ ﺭﮨﺎ ﮨﮯ ۔ ﻭﺍﺿﺢ ﺭﮨﮯ ﮐﮧ ﺍﺱ ﺳﮯ ﻗﺒﻞ " ﺍﻧﺴﺎﻥ، ﺳﻤﺎﺝ ﺍﻭﺭ ﻣﻌﺎﺵ " ﮐﮯ ﻋﻨﻮﺍﻥ ﺳﮯ ﺍﻥ ﮐﯽ ﭘﮩﻠﯽ ﮐﺘﺎﺏ ﻋﻠﻤﯽ ﻭ ﺍﺩﺑﯽ ﺣﻠﻘﻮﮞ ﺳﻤﯿﺖ ﻋﻮﺍﻡ ﻣﯿﮟ ﺑﮭﯽ ﭘﺬﯾﺮﺍﺋﯽ ﺣﺎﺻﻞ ﮐﺮ ﭼﮑﯽ ﮨﮯ۔ ﺑﮭﭩﮧ ﺻﺎﺣﺐ ﮐﯽ ﺣﺎﻟﯿﮧ ﮐﺘﺎﺏ ﻧﮧ ﺻﺮﻑ ﻋﻠﻤﯽ ﻭ ﺍﺩﺑﯽ ﺣﻠﻘﻮﮞ ﻣﯿﮟ ﭘﮍﮬﯽ ﺟﺎﻧﮯ ﮐﮯ ﻗﺎﺑﻞ ﮨﮯ ﺑﻞ ﮐﮧ ﮐﺘﺎﺏ ﺳﯿﺎﺳﺖ ﻭ ﺻﺤﺎﻓﺖ ﺳﮯ ﺩﻟﭽﺴﭙﯽ ﺭﮐﮭﻨﮯ ﻭﺍﻟﮯ ﺗﻤﺎﻡ ﺍﻓﺮﺍﺩ ﮐﯽ ﻣﻌﻠﻮﻣﺎﺕ ﻣﯿﮟ ﺍﺿﺎﻓﮧ ﮐﺮ ﮐﮯ ﺍﻥ ﮐﯽ ﻓﮑﺮﯼ ﺍﻭﺭ ﺷﻌﻮﺭﯼ ﺳﻄﺢ ﺑﻠﻨﺪ ﮐﺮﻧﮯ ﮐﺎ ﺑﮭﯽ ﻭﺍﻓﺮ ﺳﺎﻣﺎﻥ ﺭﮐﮭﺘﯽ ﮨﮯ ۔
ﺯﯾﺮ ﻧﻈﺮ ﮐﺘﺎﺏ ﺑﮭﭩﮧ ﺻﺎﺣﺐ ﮐﮯ ﭘﭽﺎﺱ ﺳﺎﻟﮧ ﻓﮑﺮﯼ ﺍﻭﺭ ﺗﺮﻗﯽ ﭘﺴﻨﺪ ﺳﻔﺮ ﮐﯽ ﺩﺍﺳﺘﺎﻥ ﮨﮯ۔ ﮐﺘﺎﺏ ﮐﮯ ﺑﺎﻟﮑﻞ ﺷﺮﻭﻉ ﻣﯿﮟ ﺁﻥ ﻻﺋﻦ ﻣﯿﮕﺰﯾﻦ ﮐﮯ ﺍﯾﮉﯾﭩﺮ ﻣﺤﻤﺪ ﺍﺷﻔﺎﻕ ﺍﯾﺎﺯ ﮐﻮ ﺩﺋﮯ ﮔﺌﮯ ﺍﻧﭩﺮﻭﯾﻮ ﻣﯿﮟ ﺑﮭﭩﮧ ﺻﺎﺣﺐ ﺍﭘﻨﮯ ﻗﻠﻤﯽ ﻭ ﻓﮑﺮﯼ ﺳﻔﺮ ﮐﮯ ﺁﻏﺎﺯ ﺳﮯ ﻟﮯ ﮐﺮ ﺍﺏ ﺗﮏ ﮐﮯ ﺗﻤﺎﻡ ﺍﮨﻢ ﻭﺍﻗﻌﺎﺕ ﮐﻮ ﺍﺗﻨﯽ ﺧﻮﺑﺼﻮﺭﺗﯽ ﺳﮯ ﺑﯿﺎﻥ ﮐﺮﺗﮯ ﮨﯿﮟ ﮐﮧ ﺫﺍﺗﯽ ﻭ ﭘﯿﺸﮧ ﻭﺭﺍﻧﮧ ﺯﻧﺪﮔﯽ ﮐﮯ ﮨﺮ ﻣﺤﺎﺯ ( ﻋﻠﻤﯽ، ﻧﻈﺮﯾﺎﺗﯽ، ﺻﺤﺎﻓﺘﯽ، ﺳﻤﺎﺟﯽ ﺍﻭﺭ ﺳﯿﺎﺳﯽ ) ﭘﺮ ﮐﯽ ﮔﺌﯽ ﺑﮭﭩﮧ ﺻﺎﺣﺐ ﮐﯽ ﺳﺮﮔﺮﻣﯿﺎﮞ ﻭ ﺧﺪﻣﺎﺕ ﺳﮯ ﻗﺎﺭﯼ ﺑﮩﺖ ﻋﻤﺪﮔﯽ ﺳﮯ ﺁﮔﺎﮨﯽ ﺣﺎﺻﻞ ﮐﺮ ﻟﯿﺘﺎ ﮨﮯ۔ ﺗﻘﺮﯾﺒﺎً 30 ﺻﻔﺤﺎﺕ ﭘﺮ ﻣﺸﺘﻤﻞ ﺑﮭﭩﮧ ﺻﺎﺣﺐ ﮐﺎ ﯾﮧ ﻃﻮﯾﻞ ﺍﻧﭩﺮﻭﯾﻮ ﺍﻥ ﮐﯽ ﺫﺍﺗﯽ ﻭ ﭘﯿﺸﮧ ﻭﺭﺍﻧﮧ ﺯﻧﺪﮔﯽ ﮐﮯ ﮐﭽﮫ ﺍﯾﺴﮯ ﮔﻮﺷﻮﮞ ﺳﮯ ﺑﮭﯽ ﭘﺮﺩﮦ ﺍﭨﮭﺎﺗﺎ ﮨﮯ، ﺟﻮ ﺷﺎﯾﺪ ﺍﻥ ﮐﮯ ﮨﻢ ﻋﺼﺮ ﺩﻭﺳﺖ ﺍﺣﺒﺎﺏ ﮐﯽ ﻧﻈﺮﻭﮞ ﺳﮯ ﺑﮭﯽ ﭘﻮﺷﯿﺪﮦ ﺭﮨﮯ ﮨﻮﮞ۔
ﮐﺘﺎﺏ ﻣﯿﮟ ﻋﻠﻤﯽ ﻭ ﺍﺩﺑﯽ ﺍﻭﺭ ﻓﮑﺮﯼ ﻭ ﺳﯿﺎﺳﯽ ﺷﺨﺼﯿﺎﺕ ﮐﮯ ﺳﺎﺗھ ﺑﮭﭩﮧ ﺻﺎﺣﺐ ﮐﯽ ﻣﻼﻗﺎﺗﻮﮞ ﮐﺎ ﺗﺼﻮﯾﺮﯼ ﺍﺣﻮﺍﻝ ﺑﮭﯽ ﺑﮭﭩﮧ ﺻﺎﺣﺐ ﮐﮯ ﭘﭽﺎﺱ ﺳﺎﻟﮧ ﻓﮑﺮﯼ ﺳﻔﺮ ﮐﻮ ﺳﻤﺠﮭﻨﮯ میں مدد گار ثابت ہوتا ہے۔ ﻣﺼﻨﻒ ﻧﮯ ﺍﭘﻨﮯ ﭘﭽﺎﺱ ﺳﺎﻟﮧ ﻓﮑﺮﯼ ﺳﻔﺮ ﻣﯿﮟ ﺍﯾﺴﮯ ﺍﺳﺎﺗﺬﮦ ﺍﻭﺭ ﺩﺍﻧﺸﻮﺭﻭﮞ ﮐﯽ ﻗﻠﻤﯽ ﻭ ﻋﻤﻠﯽ ﺟﺪﻭﺟﮩﺪ ﮐﻮ ﺧﺮﺍﺝ ﺗﺤﺴﯿﻦ ﭘﯿﺶ ﮐﯿﺎ ﮨﮯ ﺟﻦ ﺳﮯ ﻧﮧ ﺻﺮﻑ ﻭﮦ ﻣﺘﺎﺛﺮ ﺭﮨﮯ ﺑﻞ ﮐﮧ ﺯﻧﺪﮔﯽ ﮐﮯ ﮐﺴﯽ ﻧﮧ ﮐﺴﯽ ﺣﺼﮯ ﻣﯿﮟ ﺍﻥ ﺳﮯ ﻋﻤﻠﯽ ﺍﮐﺘﺴﺎﺏ ﮐﺎ ﻣﻮﻗﻊ ﺑﮭﯽ ﻣﻼ۔ ﺍﺱ ﺣﺼﮯ ﻣﯿﮟ ﺍﮐﺒﺮ ﻋﻠﯽ ﺍﯾﻢ ﺍﮮ، ﻋﺎﺻﻤﮧ ﺟﮩﺎﻧﮕﯿﺮ، ﮈﺍﮐﭩﺮ ﺍﻧﻮﺭ ﺳﺠﺎﺩ، ﻣﻨﻮ ﺑﮭﺎﺋﯽ، ﻓﮩﻤﯿﺪﮦ ﺭﯾﺎﺽ، ﭘﺮﻭﻓﯿﺴﺮ ﺷﺒﯿﺮ ﺣﺴﯿﻦ ﺷﺎﮦ، ﭘﺮﻭﻓﯿﺴﺮ ﺷﺮﯾﻒ ﮐﻨﺠﺎﮨﯽ ﺟﯿﺴﯽ ﻗﺪ ﺁﻭﺭ ﻋﻠﻤﯽ ﻭ ﺳﻤﺎﺟﯽ ﺷﺨﺼﯿﺎﺕ ﺑﺎﺭﮮ ﻟﮑﮭﮯ ﮔﺌﮯ ﻣﻀﺎﻣﯿﻦ ﭘﮍﮬﻨﮯ ﻻﺋﻖ ﮨﯿﮟ ۔
ﺍﺱ ﮐﮯ ﻋﻼﻭﮦ ﺍﺱ ﺣﺼﮯ ﻣﯿﮟ ﮔﺠﺮﺍﺕ ﺗﮭﻨﮑﺮ ﻓﻮﺭﻡ ﺍﻭﺭ ﻣﻘﺎﻣﯽ ﻋﻠﻤﯽ ﻭ ﺍﺩﺑﯽ ﺣﻠﻘﻮﮞ ﻣﯿﮟ ﻣﻘﺒﻮﻝ ﻋﻠﻤﯽ ﻭ ﺳﻤﺎﺟﯽ ﺷﺨﺼﯿﺎﺕ ﺑﺎﺭﮮ ﻣﻀﺎﻣﯿﻦ ﮨﯿﮟ ۔ ﮐﺘﺎﺏ ﮐﺎ ﺗﯿﺴﺮﺍ ﺍﻭﺭ ﺁﺧﺮﯼ ﺣﺼﮧ ﺑﮭﭩﮧ ﺻﺎﺣﺐ ﮐﯽ ﺳﺎﺑﻘﮧ ﺍﻭﺭ ﺣﺎﻟﯿﮧ ﮐﺘﺎﺏ ﭘﺮ ﺍﮨﻞ ﻗﻠﻢ ﮐﯽ ﺭﺍﺋﮯ ﭘﺮ ﻣﺸﺘﻤﻞ ﮨﮯ ۔ ﺍﺱ ﺣﺼﮯ ﻣﯿﮟ ﺑﮭﭩﮧ ﺻﺎﺣﺐ ﮐﯽ ﻋﻠﻤﯽ ﻭ ﻓﮑﺮﯼ ﮐﺎﻡ ﭘﺮ ﺳﻠﻤﺎﻥ ﻋﺎﺑﺪ، ﻓﺮﺥ ﺳﮩﯿﻞ ﮔﻮﺋﻨﺪﯼ، ﺍﺷﺮﻑ ﺷﺮﯾﻒ، ﺷﯿﺦ ﻋﺒﺪﺍﻟﺮﺷﯿﺪ، ﺧﺎﻟﺪ ﺑﮭﭩﯽ، ﻣﻈﮩﺮ ﭼﻮﺩﮬﺮﯼ، ﺷﯿﺦ ﻣﺤﻤﺪ ﺣﻨﯿﻒ ﺍﯾﮉﻭﮐﯿﭧ ﮐﯽ ﺁﺭﺍ ﺍﻭﺭ ﺗﺒﺼﺮﮮ ﺷﺎﻣﻞ ﮨﯿﮟ۔
ﮐﺘﺎﺏ ﮐﯽ ﺧﻮﺏ ﺻﻮﺭﺕ اشاعت کا ﺍﮨﺘﻤﺎﻡ ﻣﻈﮩﺮ ﺳﻠﯿﻢ ﻣﺠﻮﮐﮧ ﮐﮯ ﺍﺷﺎﻋﺘﯽ ﺍﺩﺍﺭﮮ ﮐﺘﺎﺏ ورثہ نے کیا ہے۔ کتاب حاصل کرنے کے لئے درج ذیل نمبر پر رابطہ کیا جاسکتا ہے:
0323 7576022
