انتخابات مارچ سے پہلے ہوں گے: آرمی چیف جنرل عاصم منیر
روزنامہ ایکسپریز نیوز کی خبر کے مطابق چیف آف آرمی اسٹاف جنرل عاصم منیر نے کہا ہے کہ ملک میں عام انتخابات مارچ سے پہلے ہوں گے۔ اب انتخابات میں کوئی رکاوٹ نہیں ہوگی۔
جنرل عاصم منیر نے واشنگٹن میں پاکستانی سفارتخانے میں پاکستانی نژاد امریکی کمیونٹی کی تقریب میں شرکت کی ۔ اس تقریب انہوں نے مہمانوں سے بات چیت کی۔
تقریب میں موجود پاکستانی نژاد امریکی کاروباری شخصیت طاہر جاوید نے امریکی نشریاتی ادارے سے گفتگو میں کہا کہ آرمی چیف جنرل عاصم منیر کا کہنا ہے کہ لاجسٹکس کی وجہ سے انتخابات کچھ دن آگے پیچھے ہوسکتے ہیں۔
لیکن الیکشن رکیں گے نہیں اور ہرصورت مارچ میں سینٹ کے انتخابات سے پہلے عام انتخابات ہوجائیں گے۔