پاکستان کو قرض کی منظوری کے لیے آئی ایم ایف کا اجلاس 25ستمبر کو ہوگا
آئی ایم ایف ایگزیکٹو بورڈ کا اجلاس 25 ستمبر کو شیڈول کیا گیا ہے جس میں پاکستان کے لیے قرض پروگرام منظوری کا جائزہ لیا جائے گا۔
آئی ایم ایف کی ترجمان جولی کوزیک کے مطابق پاکستان اور آئی ایم ایف کے درمیان جولائی 2024 میں 37 ماہ کا سٹاف سطح کا معاہدہ طے پایا تھا۔ آئی ایم ایف پاکستان نے ترقیاتی شراکت داروں سے درکار ضروری مالی یقین دہانیاں حاصل کرلی ہیں جو 2023 کے نو ماہ پر محیط سٹینڈ بائی معاہدے کے کامیاب نفاذ کے بعد بورڈ کی طرف سے منظوری کے لیے پیش کی جائیں گی۔
ترجمان نے بتایا کہ پاکستانی معیشت میں استحکام آیا ہے اور خاص طور سے معاشی بڑھوتی کے اشارے دیکھ ے جا رہے ہیں۔
یاد رہے آئی ایم ایف آئی ایم ایف بورڈ اجلاس میں پاکستان کے لیے قرض پروگرام منظوری کا جائزہ لیا جائے گا۔ جمعرات کے روز وفاقی کابینہ کے اجلاس میں وزیر اعظم شہباز شریف نے خطاب کے دوران کہا تھا کہ ’آئی ایم ایف سے بات چیت مثبت طریقے سے آگے بڑھ رہی ہے۔‘
امید کی جانی چاہیے کہ جب یہ پروگرام ختم ہو جائے تو شرح نمو کے لیے اقدامات اٹھائے جائیں گے۔
واضح رہے کہ سٹیٹ بینک آف پاکستان نےآج ہی شرح سود میں دو فیصد کمی کا اعلان کیا ہے۔ سٹیٹ بینک کے اعلامیے کے مطابق اس کمی کے بعد اب پالیسی ریٹ 19.5 سے کم ہو کر 17.5 پر پہنچ گیا ہے۔ وزیر اعظم شہباز شریف نے شرح سود میں دو فیصد کمی کے اعلان کو خوش آئند قرار دیا ہے اور کہا ہے کہ پالیسی ریٹ میں کمی سے معیشت کو فائدہ ہو گا۔