ٹرمپ کے جنگ روکنے کے اعلان کے بعد تیل کی قیمتوں میں کمی
امریکی صدر ڈونلڈ ٹرمپ کی جانب سے ایران کے خلاف مزید فوجی حملے فی الحال روکنے کے اعلان کے بعد منگل کو تیل کی قیمتوں میں کمی دیکھی گئی۔
گرین وچ معیاری وقت کے مطابق 0246 بجے (جو پاکستانی وقت کے مطابق صبح 7 بج کر 46 منٹ بنتا ہے) برینٹ خام تیل کے مستقبل کے سودے 70 سینٹ، یا 0.75 فیصد، کمی کے ساتھ 91.88 ڈالر فی بیرل پر آ گئے۔ اس کے علاوہ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کے فیوچرز (مستقبل کے سودے) 78 سینٹ، یا 0.90 فیصد، کمی کے بعد 86.07 ڈالر فی بیرل پر پہنچ گئے۔
برینٹ خام تیل گزشتہ سیشن میں 5.85 فیصد کمی کے ساتھ بند ہوا تھا، اور اس دوران اس کی قیمت 31 اگست کے بعد کی کم ترین سطح تک پہنچ گئی تھی۔
صدر ٹرمپ نے پیر کو کہا تھا کہ وہ فی الحال ایران کے خلاف نئی فوجی کارروائیوں سے گریز کرنے کا ارادہ رکھتے ہیں۔ انہوں نے کہا کہ یہ فیصلہ خطے کے کئی ممالک، بشمول قطر کے وزیرِاعظم، کی جانب سے وائٹ ہاؤس میں ہونے والی بات چیت کے دوران کی گئی اپیلوں کے بعد کیا گیا۔